Тоол ыдыкчыларын база чогаалга хандыкшылдыг 45 хардан өрү күзелдиг чонувусту май 13-тен июнь 24-ке чедир онлайн хевирге болуп эртер Республика чергелиг тыва тоол ыдарынга «Дыңна уйнуум...Шыяанам» деп мөөрейге киржиринче чалап тур бис!
Кол негелделер:
- мөөрейниң киржикчизи бичии чаштарга, уйнуктарга көрүп база дыңнаарынга таарымчалдыг кылдыр шилип алган тыва тоолун аянныг ыдарын дириг чурукка (видеога) тырттырып алыр.
- киржикчи бүрүзү видео хевиринге тырттырган күүселдезин ВКонтактеде хууда арынынга дараазында чүүлдерни сагып тургаш, салыр: бижиткен дириг чуруун суму/кожуун/хоорайның культура төптериниң арыннарынга азы бодунуң хууда арынынга кожуп салыр (киржикчиниң четкиже салыр арыннары ажык болуру чугула);
- күүседиир тоолунуң база киржикчиниң бодунуң дугайында кыска медээлиг бижикти үндүрүп салыр
- кыска медээлиг бижиктиң адаанга #ДыңнаУйнуумШыяанамРЦНТД деп тускай хештегти шын кылдыр бижип демдеглээри чугула
Мөөрейниң киржикчизи каасталга кылдыр тоол ыдарынга таарымчалыг хөгжүм үделгезин ажыглап болур база тыва хевин кедип алыры күзенчиг.
Киржикчилер чагыгларын июнь 22-ге чедир Улусчу чогаадылга төвүнүң rcntd17@yandex.ru деп электроннуг почтазынче «Дыңна уйнуум.Шыяан ам» деп демдеглээш, дириг чуруун кожа быжыглааш чоргузар. Харылзажыр телефоннар - 8 (394-22) 2-10-14, 8-923-558-1856, улусчу чогаадылга килдизи, Кызыл хоорай, Щетинкина-Кравченко кудумчузу, 46, өрээл 106
Мөөрей дугайында допчузу-биле Саавырда болгаш Капсырылгада
Июнь 22-ге чедир тыва тоол ыдарынга «Дыңна уйнуум...Шыяанам» деп мөөрейге киржири-биле чагыгларны хулээп турар
07 Май.
