Республиканың улусчу чогаадылга төвүнүң база бүгү-ле чогаадыкчы чонувустуң мурнундан бүгүдеге Ада-Чурттуң Улуг дайынының Тиилелгезинден бээр 79 чыл болган ою-биле байыр чедирип тур бис!
Демниң болгаш маадырлыг чоруктуң соруу сиңген байырлалда тайбың чуртталганы чаалап берген чалданыш чок эрес-дидим тыва эки турачыларывысты сактып, тылдың хоочуннарының тура-соруун алгап, амгы үениң салгалдарынга улуг Россияга хостуг чурттаар кылдыр чаалап берген Тиилелгезин үнелеп, маадырларывыска кезээ мөңгеде четтиргенивис илередип күдүк чедир мөгейип тур бис. Маадырларның Төрээн чурттунга бердингени салгалдарга үлегер чижек болуп, хей-аъдын бедидип, келир үеде сайзыралче идиг болуп чоруур.
Чурттувуска тайбың делгерезин! Кижи бүрүзүнүң чуртталгазы кадык, аас-кежиктиг болгаш менди-чаагай чорзун деп йөрээп тур бис!
Тиилелге хуну-биле!
С Днем Победы! Тиилелге хүнү-биле!
09 Май.
