Культурлуг хемчеглер онлайн хевирге эрткен. Чижээ,Тес-Хем кожууннуң Самагалтай сумузунуң көдээ культура бажыңынга чылдың эрттирип турары кожуун чергелиг тоол ыдыкчыларының «Шыяан ам» деп мөөрейи болган.Улуг тоол ыдыкчыларының аразынга 1-ги черни ээлеп, "Алдан ала чылгылыг, Аландай ашак" деп тоолу-биле О-Шынаа сумузунуң төлээзи Чимис Максимовна Миндирья шылгараан. Тыва дыл хүнүнге кожууннуң культура бажыңында тыва аас-чогаал болүү «Өлчей» Александр Даржайның «Тыва дылым»-деп шүлүүн бараалгадып тур.
Чаа-Хөл кожууннуң культура бажыңының Тыва Арат Республиканың тургустунганындан бээр 100 чыл оюнга база тыва дыл хүнүнге тураскааткан "Аалчылар өө" ("Гостевая юрта") деп төлевилелинге Шулуу Чыргал-оолович Сат аттыг Чаа-Хол ортумак школазының дээди категорияның тыва дыл болгаш чогаал башкызы, республиканын тыва дыл, чогаал башкыларының метод каттыжыышкынының кежигүнү, Чаа-Хөл кожууннуң тыва дыл, чогаал башкыларының удуртукчузу, "Тыва дылдың тергиини" деп медальдын эдилекчизи, ТР-ның Баштыңы-Чазаанын даргазының болгаш РФ-ның Президентизиниң шаңналдарының эдилекчизи Даваа Аянмаа Юрьевна аалдап киришкен. База ол ышкаш тыва үлегер домактарга челленджти организастааннар.
Чөөн-Хемчик кожууннуң "Мерген-Херел Монгуш" аттыг культура бажыңы "Чечен-мерген тыва дылым" деп шүлүк-биле дүрген-чугаага челленджти, хол-биле кылган "Ө,Ң,Ү" деп үжүктерден кылыглар аазынга мөөрейни эрттирген.
Кызыл кожууннуң культурлуг дыштанылга төвүнүң мурнундан хөгжүмнүг байыр - ыры "Тыва дылымга". Арт-Центр "Найысылал" тыва дыл хүнүнге тураскааткан "Өңнүк" деп театржыткан көргүзүүн сөңнеп тур . Кол рольда: Азият Салчак, Монгун-оол Кара-Сал, Айдыс Монгуш, сценарий бижикчизи болгаш тургузукчу Айсу Чигжит.
Каа-Хем кожууннуң культурлуг сайзырал төвү болгаш «Овация» аттыг бичии көрүкчүнүң театрының байырын болгаш үстүнде адаттынган ажылдарны бо шөлүлгени базыпкаш, көрүп болур. https://vk.com/rcntdtuv?w=wall-102906249_21493
Тываның культура бажыңнарында болгаш төптеринде тыва дыл хүнүнге тураскааткан хемчеглер болуп эрткен
01 Ноя.
