Чаа чыл бүдүүзүнде «Шын» солуннуң редакциязынга Соок-Ирей, Харжыгаш база 2022 чылдың ээзи — Пар моорлап келгени шынчыларга канчаар-даа аажок өөрүнчүг, байырланчыг белек болган.
Республиканың Улусчу чогаадылга болгаш дыштанылга төвүнүң төлээлери коллегалары солунчуларга Чаа чыл-биле байыр чедирип база моон-даа соңгаар кады демниг ажылдаарын күзээн чылыг-чымчак сөстерни илереткеннер.
«Шын» солуннуң коллективи Соок-Ирейге шүлүктеп, ырлап, аалчылары-биле Чаа чылдың шивизин долгандыр самнап, ойнап хөглээннер-даа.
Республиканың Улусчу чогаадылга болгаш дыштанылга төвүнүң коллективинге чаа үнүп орар Пар чылында чогаадыкчы чедиишкиннерни болгаш кады демниг ажылдажылганы сеткилиниң ханызындан күзээннер.
«ШЫНЧЫЛАРГА» ЧАА ЧЫЛ БЕЛЭЭ
.jpg)
29 Дек.
