Апрельдиң 15-те Республика чергелиг «улустуң» болгаш «үлегерлиг» - деп, аттар эдилеп чоруур бот-тывынгыр уран чүүл коллективтериниң аразынга көрүлде болуп эртер.
Ук көрүлде-мөөрейниң кол сорулгазы – республиканың тускай ат эдилеп чоруур бот-тывынгыр коллективтериниң аразындан тергиинин шилип, «Россияның алдарлыг уран чүүл коллективи» - деп, атты алыр кордакчы кылдыр Тываның мурнундан идип үндүрери болуп турар. Бо үеде республикада «улустуң» болгаш «үлегерлиг» аттарны эдилеп чоруур 32 бөлүктер бар. Оларның аразында аныяктар чыылган тос коллектив, а болүктүң чартыындан хөйү аныяктар деп санадып турарлары – алды.
«Байлак Тывам эртинези» - деп, көрүлде-мөөрей ийи улуг угланыышкынныг эртер, ол дээрге «Чаңчылдар» болгаш «Культура дээрге бистер бис!». Бирги угланыышкынга улусчу ыр, сам, аялга болгаш фольклор жанрлары-биле ажылдап чоруур бөлүктер киржир, ийигизинге – театр, цирк, сам, ниитиниң ыры, ыры-хөгжүм күүселдези болгаш үрер хөгжүм талазы-биле. Көрүлдеге киржикчи бөлүк бодунуң программазын видеога тырттыргаш, Республиканың улусчу чогаадылга төвүнче чортур. Республикада ниити байдал аайы-биле көрүлде-мөөрей көрүкчүлерлиг азы онлайн хевирге эртери амдыызында айтырыг кырында. Сөөлгү медээлерни rcntd.ru сайтыдан көрүп болур.
Чурукта: Чаданның улусчу драмтеатры
"Байлак Тывам эртинези"
16 Мар.
