Кызыл коъш деп адаттынган дузаламчы,
Кыйыы биле кымнарны даа оюп эртпээн,
Эриг баарлыг тыва чонум демнии-биле,
Эргим ынак оолдарга дузалап тур!
Шагда эрткен Ада-Чурттуң дайынында,
Шаа биле арат тыва холун сунуп,
Идик-хепти фронтуже, даарааштың,
Ийи-чаңгыс малын безин берип турган.
Тыва маадыр, оолдар,кыстар үезинде,
Тынын берип,украин черни хостажып каан,
Ындыг чылдар каттаптанып чедип кээр деп,
Ырмам сынар,бодалымда чок даа турган.
Сагыжы бак нацистерниң артырып каан,
Салым-чолу ёразы чок үреннери,
Бодунуң-на бөдүүн чонун кырып,хыдып,
Болбаан чүдек үүлгедиин кылып туру.
Сеткили ак тыва чуртум оолдары,
Сегиржип ап,коргуш чокка демисешти,
Хайыралдыг чалыы тыва оолдарывыс,
Хары черге бажын салып,хорап турлар.
Госпитальдар,эмчилерде балыг-бышкын,
Кончуг дидим экер оолдар,бертик -бежел,
Алдын тынын харам чокка өргүп турар,
Авыралдыг тыва оолдар мөңгежизин!
Аа,богда,бурган башкы бисти кээрге,
Аныяк чаш оолдарывыс камгалап көр!
Төрүттүнгеш,ойнап өскен Тывазынче,
Дөгерези онча-менди чанып келзин!
Алла Карбу.
Онча-менди чанып келзин, даглыг Тывавыс оолдары дээш, чон тариназын номчуп, тейлеп, "Кызыл коъш" акцияга хөйү-биле киржип, дузазын чедирип турары өөрүнчүг, оларның аразында Тываның культура одаглары база күжүн кадып, демнежип турарлар.
Ом мани Падме хум! Ом а хум! Ом ара паца нади! Ом муни муни маха муние соха!!! Ом таре тутаре туре соха! Ом таре тутаре туре мама аюр пунья джяни пушим гуруе соха!
Шупту чүве эки болзун, амыр-тайбың делгерезин өршээ-өршээ!!!
Чуруктарда Бүрен-Хем сумузунуң көдээ культура бажыңының ажылдакчылары.
Тываның культура одаглары "Кызыл коъш" акцияда идекпейлиг киржип турарлар.
20 Мар.
